ԳԱՎԱՌԻ ՔԱՂԱՔԱՊԵՏ ԳՈՒՐԳԵՆ ՄԱՐՏԻՐՈՍՅԱՆԻ ՈՒՂԵՐՁԸ ՄԱՅԻՍՅԱՆ ԵՌԱՏՈՆԵՐԻ ԱՌԹԻՎ

Սիրելի՛ հայրենակիցներ

Ջերմորեն շնորհավորում եմ Ձեզ Հաղթանակի տոնի, Արցախի պաշտպանության բանակի հիմնադրնման և Շուշիի ազատագրման օրվա առթիվ:

Հայրենական մեծ պատերազմի և Արցախյան ազատամարտի թանկագին վետերաններ, Արցախի Հանրապետության պաշտպանության բանակի հարգելի զինվորներ, սպաներ, գեներալներ. մայիսյան հաղթանակաները  առանձնահատուկ նշանակություն ունեն  հատկապես Ձեզ համար, քանզի Դուք եք այդ հաղթանակների կերտողները և Ձեր շնորհիվ է, որ մեր երկրի պատմության մեջ ամրագրվել են նման պատմական ու հերոսական էջեր:

Մաղթում եմ Ձեզ քաջառողջություն, արևոտ ու հաղթական գարուններ:  Ձեր ազատատենչ ոգու   և անկոտրում կամքի դասերը յուրացրել է այսօրվա սերունդը և շարունակում է հայոց պատմության էջերը զարդարել պայքարի ու հերոսական դրվագներով` հանուն իր երկրի խաղաղության ու  իր ժողովրդի ազատության:

Մայիսի 9-ը մեզանում նշանավորվում է ֆաշիզմի դեմ տարած հաղթանակով, Շուշիի ազատագրմամբ ու Արցախյան բանակի հիմնադրմամբ. մեր ազգի համար կարևորագույն իրադարձություններ, որոնցից անմասն չեն մնացել նաև մեր համաքաղաքացիները:

Մեր խորնարհումն ենք բերում հաղթանակի կերտման գործում իրենց կյանքը զոհածներին, և ամենայն բարիք մաղթում հայությանն ու նրա հերոս զավակներին:

Լավագույն ցանկություններով`    

 Գավառի քաղաքապետ` Գուրգեն Երվանդի Մարտիրոսյան